هيئة الدفاع عن عمرو خالد ترد على الذين قالوا أن عمرو خالد ينفى المعجزات

يسرنا فى هيئة الدفاع عن عمرو خالد أن نرد على هذه الشبهة



روج البعض من المتنطعين لمقطع مبتور لعمرو خالد ينفى فيه المعجزات كما يروجون ، هذا المقطع كان نصه الآتي :

فاضل إيه؟ المولد .. آخر حتى في المولد، المولد عادي جداً .. يعني إيه عادي جداُ؟!! أم حملت .. ولدت .. يعني إيه؟!! يعني مش معجز .. يعني مش زي سيدنا عيسى .. خطيرة الحتة دي خلي بالك .. يعني إيه مش زي سيدنا عيسى؟!! سيدنا عيسى مولده إيه؟ معجز .. سيدنا موسى؟ .. معجز، لما اترمى في اليم .. إنما النبي عادي، مفيش معجزة خالص .. ليه؟!! ليه صحيح؟!! كان نفسنا يبقى في حاجات غير عادية كده، ومعجزات خارقة .. لأ .. آخر معجزة هي أبرهة، من بعد أبرهة مفيش معجزات خارقة بتاريخ البشرية .. ليه؟!! مضى زمن المعجزات .. جاء زمن التخطيط والعلم .. على شان كده أول آية إقرأ .... خلاص مفيش معجزات". ـ



وبالطبع ظلوا يرددون فى المقطع كلمة
خلاص مفيش معجزات



العجيب أنهم لم يفهموا كالعادة كلام عمرو خالد

عمرو خالد ينفى حدوث المعجزات التي قد تأتي لتغير حال الأمة

يعنى لو هناك مثلا إحتلال قادم لمكة

فلن ينزل الطير الأبابيل ليقاوم الإحتلال ونحن فى البيوت

لا ...

قد إنتهى زمن المعجزات الخارقة وجاء عصر العلم والتخطيط ولنا فى غزة أحد الأسوة ، فلقد انهزم المسلمون وفيهم رسول الله صلى الله عليه وسلم فلما خالف بعض الرماة أوامر رسول الله

ولم تحابيهم الأقدار التي تجرى بأمر الله حتى ينتصروا

ولم تأتى معجزة تغير حالهم فى أرض المعركة من الإنهزام إلى النصر

*****

هل وصلت الفكرة لذا قال عمرو خالد
آخر معجزة هي أبرهة، من بعد أبرهة مفيش معجزات خارقة بتاريخ البشرية .. ليه؟!! مضى زمن المعجزات .. جاء زمن التخطيط والعلم .. على شان كده أول آية إقرأ ..

وعمرو خالد كان يتحدث عن المعجزات الخارقة فى تاريخ البشرية وليس فى تاريخ الأنبياء

وإلا فعمرو خالد أثبت أكثر من معجزة للنبي صلى الله عليه وسلم فى حلقات البرنامج وخاصة فى حلقة " إيذاء النبي والصحابة " .

***

والمفاجأة التي توضح كيف أن هؤلاء يتصيدون الأخطاء

لا يريدون إلا نشر الأخطاء فقط ـ إن كانت أصلا أخطاء ـ لم ينشروا المقطع الذى وضح فيه عمرو خالد الغرض من كلامه عن المعجزات بالأمس فقد قال عمرو خالد ثانى يوم من الحلقة التى قال فيها هذا المقطع

فقال عمرو خالد :



جاني من الشباب اللى احنا قلنالهم ادخلوا معانا بعد الحلقة على الإنترنت نتكلم مع بعض وتقولولنا رأيكم ...
جالنا منهم أسئلة كثير منهم سؤال تكرر كتيير ، بيقول السؤال :
إنته قلت امبارح أن معجزت أبرهه كانت آخر معجزة امال فين معجزة الإسراء والمعراج وفين انشقاق القمر ؟؟
فقال عمرو خالد : هما صح وانا صح يعنى
صحيح يا جماعة فيه معجزات للنبي ولكنها معجزات لا تغير الأحداث
مش معجزة تعمل انتصار حاسم
مفيش عصى موسى فينشق البحر فيغرق فرعون وينجوا المؤمنين
امال المعجزات التي حدثت للنبي إيه ...؟؟؟
هي معجزات لتثبيت المؤمنين
زى الإسراء والمعراج كان تثبيت للنبي بعد ما حدث له فى الطائف من إيذاء
زى انشقاق القمر لإثبات إنه نبي
إنما معجزات تغير الأحداث .. لأ
تغير النتائج لأ
النتائج حتتغير بجهد البشر
انتوا المعجزة
كده الصورة وضحت ..؟؟
إذا معجزات النبي لتثبيت الإيمان ، ولكن لا يوجد معجزات للتخطيط
حتى نزول الملائكة فى غزة بدر كان تكميل لدور المؤمنين
لكن مش الملائكة اللى عملوا الإنتصار الحاسم
فالانتصار الحاسم يأتى بأيدى المؤمنين
واياك حد يفتكر من كلامى ده اننا بننكر المعجزات
طبعا لأ .. ده الإسراء والمعراج جى والمعجزات جايه
ولكن أنا بقول الكلام ده علشان إحنا عاوزين نقلد تجربة النبي صلى الله عليه وسلم
ميجيش حد يقول إن النبي كان مؤيد بالوحي والمعجزات وإحنا معندناش وحى ولا معجزات يبقى خلاص بقه مفيش نهضة ..
امال احنا بنحكى قصته ليه لما هيه غير قابلة للتطبيق ..!!
لا ... دى معجزة النبي باقية إلى يوم القيامة ولا تنتهى بموته
علشان كده مكنش ينفع تكون فى حياة النبي معجزات بتغير الأحداث
التخطيط هوه اللى يغير الأحداث
امال الوحى ايه
الوحى هوه المنهج اللى حيمشى عليه
والوحى ده لينا احنا كما فالقرءان موجود لينا
فاهمين عاوز أقول إيه يا جماعة ..




هذا ما أعلم والحمد لله رب العالمين
مـحمد نـجاتي

أبو عبد الله

رئيس هيئة الدفاع عن عمرو خالد

Email : hafedelbanna@yahoo.com

هاتف رقم : 0166641904