الديك دا طور لايمان بكرى

جايبلكم النهارده قصيده جميله ورائعه لايمان بكري بعنوان
الديك دا طور

ركزو علشان تعرفو مين الصور؟

ايها السادة اللى مش سادة

اليكم نشرة الهم المعادة

فى حديث خاص لاذاعة هس هس العالمية

صرح الوالى المعظم من ولاية ننا ننا

للولاية بتاعنا احنا

اللى عارف كل حاجة

واللى فاهم كل حاجة

والى مش محتاج لحاجة

الا لشوية عزيمة على حبة من ارادة

بس عايزين الصراحة

كان حديثة نيلة خالص

سورى عفوا

كان حديثة حلو خالص

والمذيعة حلوة خالص

والكلام كان حلو خالص

بس كان هايس ولا يص

خدنا فيه الساعتين بطوله

مش لاقى حاجة يقوله

واللى بيقوله يعيده واللى بيعيده يقوله

خلت العثمان بتاعنا عقله خلبت خلطة بيطة

قاله يخرب بيت ابوكى قولى حاجة يا مصيبة

انتى ويانا عليهم ولا وياهم علينا

تنح المذكور وقاله يا بلاوى افهمونى

انا طول عمرى حيادى

اعشق اللون الرمادى

بس فكرى كان ضرورى يكون احادى

زى فكر الى جبونى كان ضرورى يكون احادى

قالع عفوا يا عظمتك يعنى قصدك ديكتاتور

قاله ديك ده اللى قصادك

ولا طور

قاله ديك

قاله يبقى انت اللى طور

عرفتو مين الطور الى عرف يقول ........؟

» كلنا بنحبك يا حمار لايمان بكرى