السلام عليكم ورحمة الله وبركاته
المفتش كرومبو
حلقة من إبداع مسرح الإخوان
إنهارده معادنا مع حلقة خاصة والمفتش كرومبو
في يوم وإحنا قاعدين أنا وسحس بومب علي القهوة
دخلت علينا عزيزة اللذيذة وهي بتعيط سألتها مالك ؟؟
قالت لنا : ألحقوا فونيا أتسرقت يا رجالة
في البداية فكرنا فونيا دي بنت أختها وللا بنت الجيران ولكن بعد البحث والتحري أتضح إنها فونيا وإللي دلعها أم الدنيا
كـانت غنية بالقطن والغاز والمية
وكـان فـيها عصابة من الحرامية
وبسرعة سألت أول واحد شكيت فيه وهو
نظيف أبو عقل خفيف
فقال بصراحة أنا أخذت عهد علي نفسي إن أكون أسم علي مسمي وقررت إني أنظف فونيا وقد كان إنما توصل للسرقة ده لا يمكن أبدا
ولما سألت
غالي أبو مزاج عالي
فقال أنت ما تعرفنيش يا خال أنا غالى خازن بيت المال وكل مليم تحت إيدي في الحال حتي أسألوا الأستاذ جمال يعني بإختصار مش محتاج أسرق لأنها مستورة ههههههه
ولما سألت
جمال أبو العيال
إللي بيعتبر فونيا في منزلة أم العيال فرد بمفاجأة ما كنتش ع البال وقال أنا مش ممكن أمد إيدي وأسرق لأني عارف إن إللي بيسرق بيروح مارينا وأنا مابحبش مارينا
طبعا أنا عرفت مين إللي سرق فونيا أم الدنيا لو أنت كمان عرفت قل لنا مين هوا
1- نظيف أبوعقل خفيف
2- غالي أبو مزاج عالي
3- جمال أبو العيال.
4- هما التلاتة ومعاهم ناس تانين
لو عرفت الإجابة الصح إتصل على جهاز الكسب غير المشروع
أو إبعت رسالة للنائب العام
وابقوا قابلونى الحلقة الجاية لو كنت بره السجن
من ملتقى الإخوان المسلمين